ಗೋಕರ್ಣ ದೇವಸ್ಥಾನ ಮುಜುರಾಯಿ ಇಲಾಖೆಗೊಳಪಡಲಿ

ಗೋಕರ್ಣ ದೇವಸ್ಥಾನ ಮುಜುರಾಯಿ ಇಲಾಖೆಗೊಳಪಡಲಿ

ವಿಕ ಸುದ್ದಿಲೋಕ| Updated: Sun, 9 Oct 2016

ಶಿವಮೊಗ್ಗ : ದಕ್ಷಿಣ ಕಾಶಿ ಎನಿಸಿಕೊಳ್ಳುವ ಗೋಕರ್ಣ ದೇವಸ್ಥಾನವನ್ನು ರಾಮಚಂದ್ರಪುರ ಮಠದ ಪೀಠಾಧಿಪತಿಗಳಿಗೆ ವಹಿಸಿದ ಮೇಲೆ ಇಡೀ ದೇವಸ್ಥಾನ ಅಕ್ರಮಗಳ ಕೂಪವಾಗಿ ಮಾರ್ಪಟ್ಟಿದೆ ಎಂದು ಮಲೆನಾಡು ಭೂ ರಹಿತರ ಹೋರಾಟಗಾರರ ವೇದಿಕೆಯ ಕಬಸೆ ಅಶೋಕ್‌ಕುಮಾರ್‌ ಆರೋಪಿಸಿದರು.

ಗೋಕರ್ಣ ದೇವಸ್ಥಾನವನ್ನು ಕಳೆದ 8 ವರ್ಷಗಳ ಹಿಂದೆ ರಾಮಚಂದ್ರಪುರ ಮಠದ ಸುಪರ್ದಿಗೆ ವಹಿಸಲಾಗಿದ್ದು, ವಹಿಸಿದ ಒಂದೆ ತಿಂಗಳಲ್ಲಿ ಅಲ್ಲಿನ ಹುಂಡಿ ಕಳುವಾಗಿದೆ. ಈ ಬಗ್ಗೆ ಇಲ್ಲಿಯವರೆಗೂ ತನಿಖೆಯಾಗಿಲ್ಲ. ಕೇವಲ 5, 10, 15 ರೂ.ಗೆ ನಡೆಯುತ್ತಿದ್ದ ಪೂಜೆ ಇದೀಗ 250 ರೂ.ವರೆಗೆ ನಡೆಯುತ್ತಿದೆ. ಬಡವರು, ದಲಿತರು, ಹಿಂದುಳಿದವರು ಗರ್ಭಗುಡಿಗೆ ಪ್ರವೇಶಿಸುತ್ತಿದ್ದ ದೇವಸ್ಥಾನ ಇದೀಗ ಸಾರ್ವಜನಿಕರು ಗರ್ಭಗುಡಿಗೆ ಹೋಗದಂತ ಪರಿಸ್ಥಿತಿ ನಿರ್ಮಾಣವಾಗಿದೆ. ವರ್ಷಕ್ಕೆ 6 ರಿಂದ 7 ಕೋಟಿ ರೂ. ಆದಾಯ ಗೋಕರ್ಣ ದೇವಸ್ಥಾನಕ್ಕೆ ಬರುತ್ತಿದ್ದು, 8 ವರ್ಷದಿಂದ ಸುಮಾರು 50 ಕೋಟಿ ಆದಾಯ ಬಂದಿದೆ. ಈ ಹಣದ ಬಗ್ಗೆ ಸ್ವಾಮೀಜಿ ಅವರು ಮಾಹಿತಿ ನೀಡುತ್ತಿಲ್ಲ. ಶೀಘ್ರವೇ ಇಷ್ಟೊಂದು ಹಣ ಎಲ್ಲಿ ಹೋಯಿತು ಎನ್ನುವುದರ ಬಗ್ಗೆ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದರು.

ಅಲ್ಲದೆ ಶ್ರೀ ರಾಘವೇಶ್ವರ ಭಾರತಿ ಸ್ವಾಮೀಜಿ ಅವರು ರಾಮಚಂದ್ರಪುರ ಮಠದ ಪೀಠಾಧಿಪತಿಯಾಗಿ ಬಂದ ಮೇಲೆ ಅಲ್ಲಿನ ಕಾಡನ್ನು ಸರ್ವನಾಶ ಮಾಡಿದ್ದಾರೆ. ಇದೀಗ ಗೋಕರ್ಣ ದೇವಸ್ಥಾನ ತಮ್ಮಿಂದ ಕೈಬಿಟ್ಟು ಹೋಗುತ್ತದೆ ಎನ್ನುವ ಕಾರಣಕ್ಕೆ ಸ್ವತಃ ಸ್ವಾಮೀಜಿ ಅವರೇ ಬೀದಿಗಳಿದು ಹೋರಾಟ ಮಾಡುತ್ತಿದ್ದಾರೆ. ಸರಕಾರ ಇದ್ಯವುದಕ್ಕೂ ಸೊಪ್ಪುಹಾಕದೇ ಗೋಕರ್ಣ ದೇವಸ್ಥಾನದಲ್ಲಿ ನಡೆದಿರುವ ಅಕ್ರಮಗಳ ಬಗ್ಗೆ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದರು.

ಡಿಎಸ್‌ಎಸ್‌ ಮುಖಂಡ ದೂಗೂರು ಪರಮೇಶಿ ಮಾತನಾಡಿ, ರಾಮಚಂದ್ರಪುರ ಮಠ ಇಂದು ಕೇವಲ ಮಠವಾಗಿ ಉಳಿದಿಲ್ಲ. ಸ್ವಾಮೀಜಿ ಅವರು ನಿಜವಾಗಿಯೂ ಜಾತ್ಯಾತೀತರಾಗಿದ್ದರೇ ತಮ್ಮ ಮಠ, ದೇವಸ್ಥಾನದ ಎಲ್ಲಾ ವಿಭಾಗಗಳಲ್ಲೂ ದಲಿತರನ್ನು ನೇಮಿಸಿಕೊಳ್ಳಬೇಕು. ಹಾಗೂ ಸರಕಾರ ಕೂಡಲೇ ಗೋಕರ್ಣ ದೇವಸ್ಥಾನವನ್ನು ಮುಜುರಾಯಿ ಇಲಾಖೆಗೆ ಒಳಪಡಿಸಬೇಕು ಎಂದು ಒತ್ತಾಯಿಸಿದರು.

ಸುದ್ದಿಗೋಷ್ಠಿಯಲ್ಲಿ ಪ್ರಮುಖರಾದ ಕೆ.ಪಿ.ಶ್ರೀಪಾಲ್‌, ಗಿರೀಶ್‌ ಕೋವಿ, ಪ್ರಕಾಶ್‌ ಮತ್ತಿತರರಿದ್ದರು.

source: http://vijaykarnataka.indiatimes.com/district/shivamogga/-/articleshow/54754389.cms

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s